કોને ખબર છે?

તારું એક સ્મિત જોવા માટે,
મેં કર્યા લાખો પ્રયત્નો,
બાકી અમારાં તો આંસુની,
પણ કોને ખબર છે?

તારી એક ખુશી માટે,
મારી અનેક આશાઓને તોડી,
બાકી અમારા તો ગમની,
પણ કોને ખબર છે?

તારા પ્રેમની મંઝિલ માટે,
મેં છોડી મારી મંઝિલની રાહ,
બાકી અમારા તો રસની,
પણ કોને ખબર છે?

તારી ફૂલો બિછાવેલી રાહમાં,
દૂર કર્યા કાંટાઓ મેં,
બાકી અમારા તો દર્દની,
પણ કોને ખબર છે?

તારી એ જિંદગી માટે,
આપી દીધું સર્વસ્વ મારું,
બાકી અમારા તો મોતની,
પણ કોને ખબર છે?