આંસુની અમાનત...!


આંસુને સાચવીને રાખ્યાં છે મેં,
લીલી-સૂકી જોવાની બાકી છે.

આંસુને સાચવીને રાખ્યાં છે મે,
ચડતી-પડતીથી બેખબર છું તેથી.

આંસુને સાચવીને રાખ્યાં છે મેં,
વેદના-સંવેદનાથી પર છું હજુ.

આંસુને સાચવીને રાખ્યાં છે મેં,
કો’કની ક્ષમા માંગવાનું હજુ યાદ છે.

આંસુને સાચવીને રાખ્યાં છે મેં,
‘ડાઘુ’ બનવાનું હજુ બાકી છે.

આંસુને સાચવીને રાખ્યાં છે મેં,
જાતને હજુ ક્યાં જાહેર કરી છે...!!

આંસુને સાચવીને રાખ્યા છે મેં,
‘દીકરી’ વળાવવાની હજુ બાકી છે...