અજનબી

આમ તો અજનબી છતાં થોડી ઓળખાણ હોય

એ આંખોને આ આંખોની થોડી પીછાણ હોય



ખોબલે ખોબલે ઉલેચી લે ભલે એ મારા શ્વાસોને

એ બહાને મારા શ્વાસને સ્પર્શની થોડી લ્હાણ હોય



સવાર ઊગતા જ તારોડીયાને બસ જવા દીધા

ધરતીના ચંદરવાને એની થોડી તાણ હોય?



લૂંટાવતી ફરે છે એ પુષ્પને,પંખી, પતંગાને

ખોટું ઠર્યુ એ વિધાન પ્રેમની થોડી ખાણ હોય?



ભલેને વર્તે એ જાણે ના હોય કશી ખબર

ખુદા કરે, મારા પ્રેમની એને થોડી જાણ હોય